Камиони

Македонија

×

Volvo Trucks го претставува новиот Volvo FM – дизајниран да ги привлече возачите со својата нова кабина и подобра прегледност

Volvo Trucks ја лансираше следната генерација на Volvo FM, полна со подобрувања за просторот на возачот и иновации кои овозможуваат повисоко ниво на удобност, безбедност и продуктивност. „Простран и со исклучителна прегледност, новиот Volvo FM камион за тешки задачи е дизајниран да биде најдоброто работно место на тркала во сите сегменти“, вели Роџер Алм, претседател на Volvo Trucks.
08A3740 FM 4x2, влекач со приколка
Новиот Volvo FM камион за тешка индустрија е дизајниран да биде најдоброто работно место на тркала во сите аспекти.

„Возачите се едни од најважните аспекти во транспортната индустрија“, продолжува Роџер Алм. „Со новиот Volvo FM, воведуваме една разновидна алатка за работа која нуди голема удобност, дозволувајќи им на нашите клиенти да ги привлечат и задржат најдобрите возачи што успешно ќе ги одржуваат нивните операции во движење“.

Мобилна канцеларија создадена за возачи
„Новиот Volvo FM е моделот во нашата палета што одговара за сите работи – агилен е и погоден да ѝ служи на својата цел да биде простран, безбеден и удобен за возачите“, вели Карина Бистром, главниот дизајнер за ентериер во Volvo Trucks. „Со спуштање на линијата на вратата, новите ретровизори и аголната камера кај сопатникот, постигнавме многу добра прегледност.“

За да го постигнеме тоа, ги кренавме А-столбовите на новата кабина за да се добие дополнителен кубен метар простор и повеќе светлина. Исто така, добивате и паметна технологија која го потврдува фокусот на Volvo да ја создаде најдобрата мобилна канцеларија за возачи.

Ентериерот е истакнат со нова табла која нуди повеќе простор за складирање, нови бои и модерен динамичен дисплеј. Кластерот вклучува 12-инчен дисплеј за инструменти со висока резолуција, интерфејс којшто е лесен за користење каде што возачот лесно може да ги види важните информации и да избере помеѓу четирите различни прегледи на екранот во зависност од ситуацијата на возење. Дисплејот за инструменти, кој се добива подготвен за идните надградби и поврзани услуги, е дизајниран да ги поедностави интеракциите на возачот и да го минимизира одвлекувањето на вниманието кога ги бара критичните информации.

Новиот Volvo FM има опционален 9-инчен страничен дисплеј за Infotainment, поддршка за навигација, транспортни информации и мониторинг со камера. Дисплејот овозможува интеракција на различни начини: со интуитивно позиционираните копчиња на воланот, преку гласовна контрола или директно преку екранот на допир и контролниот панел на екранот. Дисплејот за инструменти и страничниот дисплеј функционираат на бројни јазици. Освен тоа, новата опција за навалување на воланот нуди поергономска позиција за возење.

Подобрен дневен простор за удобност
Новата кабина за спиење е надградена со подигнат кревет и подобрени можности за складирање, кои вклучуваат голема преграда за складирање под креветот и горна задна преграда за складирање со LED панели во ѕидовите на преградите. Преместувањето од седиштето во креветот е полесно од кога било со новата потенка, ергономски дизајнирана рачка за менување брзини I-Shift. Удобноста на кабината е дополнително подобрена преку армирана изолација, којашто помага да се заштитите од ладно, топло и бучава.

Надворешни дисплеи со смел нов изглед
Екстериерот на следната генерација Volvo FM има нова аеродинамична форма, со карактеристични линии на предната страна и единечна елегантна карактерна линија што ја зафаќа страната на целосно новата кабина. Покрај тоа, предните фарови во форма на V се позиционирани за оптимална аеродинамика, а поголемите панели за идентификација на марката и горната предна решетка со нова шара му даваат на камионот крупен и самоуверен изглед.

Нови автоматизирани функции за безбедност
Покрај подобрената прегледност за возачите, другите безбедносни достигнувања на новиот Volvo FM вклучуваат контрола на возење за удолниште, која поставува максимална брзина за да помогне да се спречи несаканото забрзување при патувањето по удолнина, и Адаптивна контрола на возење (ACC), која сега работи со сите брзини, дури и со нула км/ч.

Системот на електронски контролирани сопирачки (EBS), кој е предуслов за безбедносните функции, како што се Предупредувањето за можна незгода со Emergency Brake и Електронската контрола на стабилноста, сега се стандардни кај новиот камион. Volvo динамичкото управување со системите за безбедност, како Помошта за останување во лентата и Помошта за стабилност, е исто така достапно како опција.

Volvo FM исто така има систем за препознавање на сообраќајните знаци на патиштата, кои се прикажуваат на дисплејот за инструменти со цел предупредување на возачот. Системот има способност да ги препознава знаците, како што се тие за ограничувањата за претекнување, типот на патот и ограничувањата на брзината.

Опционалната аголна камера кај сопатникот го надополнува прегледот на страната на камионот преку страничниот дисплеј.

Потрошувачката и продуктивноста
Разновидноста на достапните конфигурации на погонската група и шасијата значи дека новиот Volvo FM може да се прилагоди за да обезбеди поголема продуктивност и заштеда на горивото во широк спектар на примени. Подобрувањето на аглите на управување на tag и pusher-оските му даваат на камионот исклучителна подвижност, што може целосно да се искористи, на пример, во тешкиот градски сообраќај.

На многу пазари, Volvo FM е достапен со мотор на гасен погон LNG кој е во согласност со Euro 6, кој нуди ефикасна потрошувачка и перформанси што може да се споредат со тие на Volvo камионите на дизел, но со далеку помали климатски влијанија. Моторот на гасен погон може да работи на биогас, со што се намалуваат емисиите на CO2 и до 100%, или на природен гас, со што се намалуваат емисиите на CO2 до 20% во споредба со дизел-камионите на Volvo од еквивалентно ниво. Ова се однесува на емисиите на возилото што се создаваат за време на употребата, познати како „tank to wheel“.

Новиот договор за услуги им помага на клиентите да го подобрат својот проток на готовина
Брзиот развој на поврзаните услуги им дава на превозниците комплетно нови начини за зголемување на времето на активност на возилото и за оптимизирање на користењето на возилото.

Volvo Trucks го воведува договорот на Volvo насловен Flexi Gold Contract, кој нуди иста покриеност како и договорот Volvo Gold Contract по иста предвидлива цена, но со многу поголема флексибилност за прилагодување кон променливите деловни потреби. Месечните давачки се разликуваат благодарение на 40% флексибилниот распон за проценетата годишна километража. Ова им дава на превозниците поголема флексибилност да ги прилагодат своите операции на сезонските промени и променливата побарувачка.

„Многу транспортни компании изразуваат потреба за поголема флексибилност кога станува збор за договорите за сервис. Сега имаме технологија што ни овозможува да направиме динамични и поврзани решенија како што е ова“, вели Томас Нимејер, менаџерот за развој на бизнисот, договори за услуги, Volvo Trucks.

Договорот Volvo Flexi Gold е достапен на избрани пазари во Европа и постепено ќе се пушта на нови.

Факти за новиот Volvo FM

  • Кабини: Дневна кабина, ниска дневна кабина, ниска кабина за спиење, кабина за спиење, кабина Globetrotter, кабина за тим. Пакети за екстериер и ентериер за индивидуален дизајн.
  • Мотори: Дизел-моторите се достапни со различни стандарди за емисија на гасови. Volvo FM исто така е достапен со мотор со LNG кој е во согласност со Euro 6 чекор D на избрани пазари.
  • Систем за менување брзини: I-Shift со софтверски пакет за различни области на примена.
  • Светла: Халогени или LED предни фарови.

ВРСКА до филм
ВРСКА до слики со висока резолуција
ВРСКА до други изданија на производот; Volvo FH16, Volvo FM и Volvo FMX

За повеќе информации, контактирајте ги:

Тијана Савиќ
Менаџер за комуникации
Тел: +381 22 366 614
Е-пошта: tijana.savic@volvo.com

Volvo Trucks обезбедува комплетни транспортни решенија за професионални клиенти и за клиенти со големи барања, нудејќи целосен опсег на камиони за средни до тешки задачи. Поддршката за клиентите се обезбедува преку глобална мрежа од 2.100 дилери и сервисни работилници во повеќе од 130 земји. Камионите на Volvo се составуваат во 15 земји во светот. Во 2018 година повеќе од 127.000 камиони на Volvo се испорачани ширум светот. Volvo Trucks е дел од Volvo Group, еден од водечките производители на камиони, автобуси, градежна опрема и поморски и индустриски мотори во светот. Исто така, Volvo Group обезбедува решенија за финансирање и сервисирање. Работата на Volvo Trucks е базирана на темелните вредности за квалитет, безбедност и грижа за животната средина.