Само возете

I-SHIFT ОД VOLVO TRUCKS

I-Shift е дел од палетата на автоматски менувачи на Volvo Trucks дизајнирани да го направат возењето полесно, побезбедно и поудобно. Секое менување на степенот на пренос е совршено темпирано – автоматски. Опсегот на софтверски пакети во овозможува да го приспособите I-Shift на вашите потреби. Во зависност од моделот на камион, има верзии на I-Shift кои ќе ви отворат нови можности, како I-Shift со степени на пренос за бавно движење и I-Shift со двојна спојка.

Барате лесно возење?

Како функционира I-Shift?

I-Shift е заснован на „класичен“ несинхронизиран рачен менувач – заради неговиот компактен дизајн и висока ефикасност. Магијата се случува во електронската контролна единица, која управува со спојката и менувањето на степените на пренос. Со постојано евалуирање на информацијата за брзината, тежината, видот на патот и побарувачка за вртежен момент, тој применува екстремна прецизност на секое менување. Системот исто така комуницира со моторот, дозволувајќи му да ги прилагоди вртежите и кочниците за најдобра изведба.

I-Shift е достапен за Volvo FH, Volvo FH16, Volvo FM, Volvo FMX и Volvo FE.

I-Shift со степени на пренос за бавно движење – започнете каде било

Дали влечете тешки товари? Дали стартувањето по застанување ви е проблем на ридест терен или при лоши услови на патот? Опремете го вашиот камион со I-Shift со степени на пренос за бавно движење и баталете ја таквата грижа. Способноста за стартување е подобрена и притисокот врз квачилото е намален до 75%. Изберете помеѓу еден или два степени на пренос за бавно движење, плус дополнителната опција за екстра рикверц. Степенот на пренос ви овозможува да возите бавно со 0,5–2 км/ч со целосна контрола врз моментот на вртење на моторот.

Движете се бавно, возете штедливо

Со I-Shift со степени на пренос за бавно движење, нема компромис ниту со економичноста на горивото, ниту пак со способноста за стартување. Можете да ги имате двете. Само изберете побрз коефициент за задна оска, кој ќе ви дозволи да одржувате брзина на патување на многу пониски вртежи кога возите по пристојни патишта. Поудобно е и подобро за ефикасната потрошувачка на гориво.

I-Shift со степени на пренос за бавно движење е достапен за Volvo FH, Volvo FH16, Volvo FM и Volvo FMX.

I-Shift со двојна спојка – нов начин на возење

Дали вашите задачи бараат висока ефикасност и често менување брзини? Тогаш, потребен ви е I-Shift со двојна спојка – нуди навистина лесно, забрзување со непречено менување брзини. Ги менува брзини во дел од секундата.

Ќе добиете стабилен прилив на енергија која може да го смени начинот на кој возите – и да ја зголеми вашата продуктивност. Вртежниот момент е константен, така што со сигурност можете да менувате степен на пренос среде кривина. Беспрекорната моќност исто така го одржува товарот стабилен. Моќноста непрекинато се пренесува на тркалата, што значи минимален ризик од заглавување или губење на брзината при лизгави услови. Дури и при моторно сопирање на удолниште и намалување на степенот на пренос, може да бидете сигурни во цврстото и безбедно возење.

Постојан проток на моќност

I-Shift со двојна спојка може претходно да ја избере следната брзина додека возите со тековната. Така, едната спојка е во празен од, додека пак другата е вклучена. Благодарение на двете влезни вратила и паметното уредување на запчениците и елементите за селекција, потоа можат да се изберат два степени на пренос во исто време. Резултатот? Непреченото менување брзини во делче од секунда – без прекинување на испораката на моќноста.

I-Shift со двојна спојка е достапен за Volvo FH, Volvo FM и Volvo FMX.

ДОСТАПНО ЗА ОВИЕ КАМИОНИ

Volvo FH16

Volvo FH

Volvo FM

Volvo FMX

Volvo FE

ПОДГОТВЕНИ СТЕ ЗА ПРОМЕНА?

Кажете ни за автоматското менувања на брзини.

Јавете се кај вашиот продавач на Volvo Trucks