Камиони
Камиони
Што се случува ако електричен камион удри во друг камион? Или се лизга и превртува со голема брзина? Ана Вриге Берлинг, директор за безбедност во Volvo Trucks, ни кажува како електричните камиони на компанијата се конструирани да бидат отпорни на судари.
Електричните камиони со батерии стануваат се почеста глетка на нашите патишта. Бидејќи безбедноста е во сржта на Volvo Trucks, електричните камиони компанијата ги развива да бидат подеднакво безбедни како и сите други камиони. Еден важен безбедносен аспект е отпорност на судири, што значи развој на возила кои се отпорни на ефектите од судир.
„Електричните камиони на Volvo ги имаат истите кабини како и нашите традиционални дизел камиони, кои се темелно тестирани за да се увериме дека се отпорни на судири. Електричните камиони исто така ги имаат истите напредни безбедносни функции кои се дизајнирани да спречат судири уште од самиот старт“, вели Ана Вриге Берлинг, директор за безбедност во Volvo Trucks..
Електричните камиони со батерии имаат свои специфични безбедносни предизвици, главно поврзани со системот за електромобилност кој вклучува батерија од 600 V. Ризикот од краток спој и истекување на хемикалија од системот треба да се минимизира.
Volvo користи ригорозни пресметки, виртуелни симулации, како и тестови на судир во целосен размер за да ја потврди безбедноста на електричните камиони во случај на судар.
„Пресметките и виртуелните симулации се основата кога развиваме и потврдуваме безбеден дизајн за нашите електрични камиони. На овој начин, можеме дигитално да тестираме различни сценарија и параметри. За да ги потврдиме резултатите од симулациите, спроведуваме и тестови на судир на камионите во целосен размер“, вели Ана Вриге Берлинг.
Ана Вриге Берлинг е директор за безбедност во Volvo Trucks.
Тестовите за судир симулираат реални сообраќајни ситуации со цел да се потврдат барањата за електрична, хемиска и противпожарна безбедност.
„Целта на тестовите за судир од целосен размер е да се минимизира ризикот од пожар и хемиско истекување со потврда дека батериите и електричните компоненти остануваат на своето место во случај на несреќа и дека високонапонскиот систем се исклучува“, објаснува таа.
На Volvo FM Electric се направени три типа на целосни тестови за судир. Резултатите од тестовите ги потврдуваат позитивните резултати од виртуелните симулации.
Тест за страничен судир. Во овој тест се користи количка која симулира патнички автомобил и која удира во страната на камионот каде што се поставени батериите. Тестот потврдува дека батериите, со нивните модули и ќелии, се добро заштитени и остануваат на своето место дури и кога се изложени на голема сила.
Тест на превртување. Овде, камионот е принуден да се преврти - вообичаена сообраќајна несреќа. Целта е да се потврди дали високонапонскиот систем се исклучува за да се минимизираат безбедносните ризици за возачот и за спасувачкиот тим.
Тест со препрека. Тестот со препрека е судир каде камионот удира во препрека која го симулира задниот дел на друг камион. Електричниот камион се тестира за да се увери дека електричните инсталации и компоненти под кабината остануваат на своето место и дека нема кратки споеви кои предизвикуваат пожар или други опасни ситуации.
Volvo Trucks е првиот светски производител на камиони кој има целосен опсег на електрични камиони во сериско производство.
„Како првенци, ние имаме голема одговорност да се осигураме дека преминот кон електричен транспорт без фосилни горива се врши без да се загрози безбедноста – за возачите, спасувачките тимови и за сите други учесници во сообраќајот“, вели Ана Вриге Берлинг, директорка за безбедност во Volvo Trucks.
