Камиони

Македонија

×

Батериите на електричните камиони се почисти отколку што мислите. Еве зошто.

| 5 минути
Во дебатата околу електричните камиони, најчесто батеријата е главниот фокус на внимание кога станува збор за одржливоста. Значи, колку се чисти батериите на електричните камиони?

Електрична батерија се произведува со суровини кои доаѓаат од рудник. Постојат различни алтернативи во зависност од својствата што ги бара корисникот. Една важна компонента вообичаена кај широко дискутираните литиум-јонски батерии е кобалтот. Изворот на овој материјал предизвика контроверзии во последните неколку години поради кршењето на трудовите и човековите права во Демократска Република Конго, како што пријавува Amnesty International. Ние во Volvo се занимаваме прашањето за набавка на кобалт во нашите процедури за купување. Меѓутоа, важно е да се запамети дека не само што постојат почисти начини за набавка на кобалт, туку и многу помалку контроверзни алтернативи. Литиум јонски железо фосфат (LFP) е веројатно најпознатата алтернативна хемија на батерии. Во Кина, каде што минатата година беа продадени повеќе електрични автомобили од кое било друго место, батериите (литиум јонските железо фосфат) се најдоминантниот тип на батерии.

Повторна употреба или рециклирање?

Има и голема дискусија околу повторното искористување на батериите. Значи, дали е подобро да се користи повторно или да се рециклира? Повторната употреба е очигледно позитивна од гледна точка на одржливост. Батериите на електричните возила задржуваат 70 - 80 % од нивниот оригинален капацитет кога се отстрануваат. Иако долгорочната вредност на таквата батерија може да е ограничена за камионската индустрија, сепак може да се користат во различни услови. За возилата, протокот на енергија е важен, додека во некои стационарни примени, како резервна енергија, целта на складирањето енергија е да се обезбеди локална достапност за важните функции во општеството. Во болниците, на пример, батерија со втор животен век може да се инсталира и активира еднаш на секои 5 години. Ова значи дека батеријата што е блиску до крајот на својот животен век сепак може да понуди нова вредност за општеството.
 

Слушаме од многу академски извори дека е важно да се рециклира. До 2025 година, проценето е дека околу три четвртини од потрошените електрични батерии прво ќе се користат повторно, а потоа ќе се рециклираат за да се добијат материјали за повеќекратна употреба, како што се литиум, кобалт и никел. Меѓутоа, кога ќе ја поделите батеријата на посебни елементи, конкретнава дискусија станува поразумна. Некои од елементите во батериите за електрични камиони може да се сметаат за изобилни. Ова го наметнува прашањето дали рециклирањето е навистина најдобрата опција за набавка и дали е секогаш подобро за животната средина. Иако рециклирањето има многу очигледни придобивки, важно е да се забележи дека во дебатава има и комерцијални аспекти. На крајот на краиштата, компаниите за рециклирање сакаат луѓето да ги користат и да плаќаат за нивните ресурси за да собираат и извлекуваат материјали, како литиум, тогаш кога има економска смисла.
 

Како се напојуваат батериите на електричните камиони е уште една точка на расправа во дискусијата околу тоа колку е еколошка електромобилноста. И тука има причина за оптимизам бидејќи намалувањето на цената на чистата енергија значи дека други извори, како ветерот и сонцето, може да бидат дел од електричната мрежа. Во Европа втора година по ред обновливите извори на енергија произведуваа повеќе електрична енергија од фосилните горива во првиот и вториот квартал од 2019 година. Во Кина и Индија пак постои одржлива глобална етика, при што властите преземаат долга транзиција во енергетската политика за оддалечување од фосилните горива.

 

Релативно скромно влијание

Целокупното влијание на денешното производство на батерии врз животната средина може да се каже дека е прилично скромно, моментално на ниво кое е 80 - 90 % почисто од производството на дизел. И кај електричните возила, во моментов еколошкиот поврат на комерцијалните возила е помал од една година. Толку време е потребно за да се генерира онолку енергија колку што била потрошена за време на производството и доживотното функционирање на системот.
 

Еколошкиот аспект за електромобилноста е една од најжешките теми во денешната камионска индустрија. Бидејќи дебатава продолжува да трае, важно е да одвоите малку време за да размислите за фактите и митовите околу електричните камиони и нивните еколошки аспекти. Подготвив водич кој се осврнува на некои од широко распространетите заблуди на оваа тема за да ви помогне да добиете побалансиран поглед на дебатата.
 

Едвард Џобсон

Edward is a Senior Director at Group Trucks Strategy

Сродни написи

Latest Press Release

collage.pressReleaseTitle