Спецификации на новиот Volvo FH Aero

I-Shift

Менувач со делител и со менување на опсезите со 12 степени на пренос и со автоматски систем за менување на степените на пренос. I-Shift може да биде опремен со компактен забавувач, приклучок за давање погон, резервна пумпа за сервото на управувачот и разладувач на маслото. Исто така, можно е да се нарача I-Shift со степени на пренос за бавно движење, ултра-ниски брзини на бавно возење и повеќе брзини за возење наназад.

I-Shift со двојна спојка

Тандем-оски

Широк опсег на достапни приклучоци за давање погон, зависни и независни од спојката – за погонување на сите видови опрема на каросеријата.

Приклучоци за давање погон, независни од спојката

PTER-DIN: Приклучок за давање погон монтиран на задната страна на моторот за директен погон на хидраулична пумпа.

PTER1400: Приклучок за давање погон монтиран на задната страна на моторот со фланша за хидраулична пумпа.

PTER-100: Приклучок за давање погон монтиран на задната страна на моторот со фланша за хидраулична пумпа.

Приклучоци за давање погон, зависни од спојката

PTR-F: Спојување преку фланша за мал и за голем број на вртежи.

PTR-FL/FH: Спојување преку фланша за мал и за голем број на вртежи.

PTR-D/PTR-DM/PTR-DH: Мал/среден/голем број вртежи со DIN спојување за директно приклучување хидраулична пумпа.

PTRD-F: Голем број на вртежи со спојување со фланша за директно поставено погонско вратило.

PTRD-D: Голем број вртежи со двоен погон. DIN спојување напред и назад за директно поврзување хидраулични пумпи.

PTRD-D1: Голем број вртежи со двоен погон. Спојување со фланша одзади и DIN спојка напред.

PTRD-D2: Голем број вртежи со двоен погон одзади и единечен погон напред. Спојување на две фланши одзади и една DIN спојка напред.

Достапни се четири различни верзии на надворешна опрема за да одговара на различни потреби.

Основна

Гром сива решетка и рачки на вратите. Хромирани предни светла. Светлосно сив штитник за сонце, капаци за ретровизори и браник.

Засилена

Решетка во тон со кабината и хромирани предни светла. Светлосно сив штитник за сонце, капаци за ретровизори, рачки за врата и браник.

Највисоко ниво

Решетка, капаци на ретровизорите, штитник за сонце, рачки на вратите, браник и спојлер во тон со кабината. Хромирани предни светла.

Основна со цврста предница

Гром сива решетка и рачки на вратите. Црни предни светла. Светлосно сив штитник за сонце и капаци за ретровизори. Челичен браник обоен сиво.

Volvo FM Aero е достапен со шест различни нивоа на внатрешна опрема за да одговараат на различните потреби.

Винилна и платнена опрема Robust

Издржливи материјали во винил и платно со модерна шема на бои што одговара на различните делови на внатрешната опрема.

Платнена опрема Dynamic

Платнена внатрешност со модерна шема на бои во различни сиви нијанси што одговараат на различните делови на внатрешната опрема.

Кадифена опрема Progressive

Оваа мека кадифена внатрешна опрема нуди сензибилна шема на бои и се совпаѓа со различните делови на внатрешната опрема.

Кожна опрема Robust

Внатрешност со сензибилна шема на бои и две обоени целосно кожни седишта што одговара на различните делови од внатрешната опрема.

Кожна опрема Dynamic

Внатрешност со разни нијанси на сива и две обоени целосно кожни седишта што одговараат на различните делови од внатрешната опрема.

Кожна опрема Progressive

Внатрешност со разни нијанси на сива со совпаѓање со Skylark (беж) и две обоени целосно кожни седишта што одговараат на различните делови од внатрешната опрема.

Globetrotter XXL: комфор и простор

Globetrotter XXL обезбедува и безбедно и удобно сместување за две лица, но со уште поголем комфор за спиење во поширок и подолг кревет - благодарение на зголемената должина на кабината.

Globetrotter XL: изградена за складирање

Globetrotter XL (CAB-XHSL) исто така обезбедува безбедно и комфорно сместување за две лица, но со уште повеќе простор за складирање, благодарение на нејзината дополнителна височина. Внатрешната височина на кабината е 220 сантиметри (211 сантиметри кај капакот на делот за моторот).

Кабина Globetrotter: друштво од двајца

Кабината Globetrotter (CAB-HSLP) служи и како простор за комфорно ноќевање на две лица. Плус, нејзината вертикална конструкција ве остава со многу дополнителен простор за складирање. Внатрешната височина е 205 сантиметри (196 сантиметри кај капакот на делот за моторот).

Кабина за спиење

Кабина за спиење (CAB-SLP) со простор за комфорно ноќевање за до две лица. Внатрешната височина е 171 сантиметри, 162 сантиметри кај капакот на делот за моторот.

Ниска кабина за спиење

Ниската кабина за спиење (CAB-LSLP) со спуштениот покрив и потпирањето на кабината обезбедува дополнителен простор за товарот над кабината. Внатрешната височина е 147 сантиметри, 138 сантиметри над капакот на делот за моторот.

Потпирање на кабината во четири точки.

Изберете помеѓу конвенционални пружини со придушувачи, конвенционални пружини напред и воздушна суспензија назад, или пак целосно воздушна суспензија.

Внесување воздух

Поставено на левата страна во горна или долна позиција, во зависност од задачата. Достапно е исто така и предно внесување воздух.

Бои

Изберете и погледнете го делот. Достапно во околу 650 варијанти на боја.

Тапацир

Достапни се неколку стилови. Винил, платно и кадифе. Некои декорации на седиштата (исклучувајќи ги винилот и платното) може да се нарачаат да вклучуваат функција за вентилација.

Седиште на возачот

Одберете од трите различни нивоа на комфор: Прогресивно (кадифе или кожа), динамичко (платно) и цврсто (винил). Дополнителната слобода доаѓа преку флексибилност – вкупниот опсег на прилагодување хоризонтално е 240 милиметри, а вертикално 100 милиметри. Стандардно, седиштето на возачот е опремено со потпирач за главата, потпирач за грбот што може да се нагодува и да се преклопува, нагодување нагоре-надолу и напред-назад, потпора за половината што може да се нагоди и нагодување на аголот на седиштето.

Седиште на совозачот

Одберете од трите различни нивоа на комфор: Прогресивно (кадифе или кожа), динамичко (платно) и цврсто (винил). Седиштата на совозачот стандардно се опремени со потпирач за главата. Исто така, достапно е и подвижно седиште за совозачот.

Кревети

Направени да овозможат удобно ноќно спиење. Големини на креветот: 74×200 сантиметри, со среден дел широк 81,5 сантиметри или 74×200 сантиметри, што се развлекува до 88×200 сантиметри со среден дел широк 95,5 сантиметри. Креветот во кабината Globetrotter XXL е долг 213 сантиметри. Ширината кај главата, средниот дел и нозете се 99/106,5/91 сантиметри, соодветно. Опремете ја кабината со душек од пена или душек од 16 сантиметри со пружини во џебови и одличен комфор. Достапни се три опции на цврстина: Мек, полутврд, тврд. Нудиме и две опции на заштита со наддушек: ја подобрува удобноста и ви овозможува побрзо да го наместите креветот. Исто така, достапно: потпора за грб што се приспособува и горен комфорен кревет (димензии 60×190 сантиметри или 70×190 сантиметри).

Внатрешен простор за складирање

Кабината содржи предна полица со четири прегради со отвори по DIN-стандард и две големи прегради за складирање со врати со ролетни на страната на возачот и на совозачот. Задниот ѕид е опремен со горна задна полица со мала тежина и одлично осветлување. Под креветот може да најдете две фиоки на извлекување со вкупна зафатнина од 130 литри. Дополнително, има две помали прегради за складирање под душекот кај нозете (10 литри) и кај главата (15 литри) и преграда за складирање кај нозете за шише од PET пластика.

Надворешен простор за складирање

На двете страни на кабината ќе најдете големи прегради за складирање што може да се отворат однадвор или одвнатре. На двете страни под кабината има на располагање дополнителен незагреан простор за складирање од 30 литри.

Сончев покрив/отвор на покривот

Секоја кабина е опремена со фиксен сончев покрив или, како опција, отвор на покривот што може да се отвора до 50 милиметри. Се користи и како излез во итни случаи. Приспособувањето на отворот на покривот може да се направи рачно или електрично.

Управувач

Доаѓа во две големини – со дијаметар од 450 mm или 500 mm, во зависност од спецификациите на камионот. Висината на воланот може да се приспособува за 90 мм, а аголот за 28°. Со навалувањето на воланот (опционално), можете да го прилагодите во вертикална позиција меѓу -5° и +15°, со што се зголемува удобноста на возачот. Командите вградени во воланот овозможуваат безбедно и комфорно користење на темпоматот, свирката, телефонот и функциите на дисплејот за инструменти и страничниот дисплеј.

Систем за климатизација

Трите алтернативни климатски системи ви овозможуваат да ја контролирате температурата. Вентилација со вентилатор со конвенционален грејач на средството за ладење. Клима-уред со рачна контрола (MCC). Клима уред со автоматска контрола на температурата (ECC/ECC2). Исто така, достапни со сензори за навлегување на сончеви зраци, за услови на магла и за квалитетот на воздухот. Надополнете го системот со грејач за паркирање за кабината и моторот, како и со нашиот ладилник за кабината за паркирање, I-ParkCool.

I-ParkCool 

Моторот не мора да работи за да уживате во климатизирана кабина. I-ParkCool создава контролирана температура во кабината кога возилото е во мирување. Работи заедно со греалката на кабината за паркирање за да произведе пријатна клима во кабината: корисно, на пример, во текот на ноќите кога температурата нагло и ненадејно опаѓа. Системот ја проверува состојбата на батеријата за да не ја загрози способноста за стартување. И пресметува колку енергија е потребна за загревање или ладење на кабината. Ако батериите не се целосно наполнети, системот пресметува колку може безбедно да се користат. Освен тоа, тивко е. Системот произведува околу 20 dB помалку бучава од конкурентните системи на пазарот за поголем одмор. Системот за климатизација е целосно вграден во нормалниот систем за вентилација на возилото, а топлиот и ладниот воздух соодветно се дистрибуираат преку вообичаените отвори за вентилација. Системот не влијае врз аеродинамиката на кабината и висината за стоење во неа. Со исклучок на грејачот на кабината (PH-CAB).

Руди за приколки со централна оска монтирани централно, половина оддолу и оддолу. Влечните куки може да се поставуваат во чекор од 25 милиметри.