Каде што владее природата

Патиштата во југозападна Норвешка се едни од најпредизвикувачките во светот. Кога возите композиција од 50 тони со товар од жива риба во резервоари со расплискана вода, комплексноста станува екстремна.

Возење на југот на Норвешка.

Пејзажот на југозападот на Норвешка може да биде неверојатен, но за возачите на камиони тоа е потенцијално опасно ако не бидат фокусирани.

„Норвешките патишта не можат да се споредат со ништо друго. Дефинитивно не се место за мечтаење – мора да бидете целосно фокусирани“, рече транспортерот - специјалист Јарле Твитен, внимателно гледајќи кон патот додека врти во остар свиок.

Она што ме интересираше токму пред да започнам да возам камиони беше превоз на риба. Работењето со живи суштества дефинитивно ја прави мојата работа многу поинтересна.

Јарле Твитен

Сопственик и возач на камиони, Jarle Tveiten Transport AS

Тесни патишта

На некои места, патиштата се претесни за да се разминат две возила и единственото решение е едно од возилата да вози наназад сè до најблиското одморалиште.

Пејзажот низ кој вози го одзема здивот со неговата убавина, а исто така важи за популарна туристичка дестинација поради многуте планини, водопади и длабоки фјордови. Но, за возачи, таа убавина може да залаже. Тесните и кривулести патишта се во лоша состојба, а има и голем ризик од одрони. Во текот на есента и долгата, студена зима, временските услови се сурови, со многу дожд, снег и мраз, а во текот на летото, зад свиоците ненадејно може да се појават туристи кои фотографираат, безгрижно стоејќи среде патот. На некои места, патиштата се претесни за да се разминат две возила и единственото решение е едно од возилата да вози наназад сè до најблиското одморалиште.

„Некои луѓе се преплашени кога возат тука. Повремено, морам да го сопрам камионот за да го насочувам сообраќајот и за да им помогнам на луѓето да ги движат возилата наназад за да можам да продолжам со возењето. Мора да соработувате во сообраќајот кога возите по овие патишта“, рече Јарле.

Јарле Твитен

Јарле Твитен, сопственик и возач на камиони, Jarle Tveiten Transport AS, помина 30 години во транспорт на риба низ цела Европа.

Но, не сака без потреба да го запира својот камион Volvo FH16 750. Неговата приколка содржи специјални резервоари за вода, полни со живи риби кои можат да умрат за само пет минути доколку не е внимателен. Рибата има голема вредност, а товарот млади риби-иверки кој го превезува моментално чини околу 400.000 евра. Поради строгите осигурителни правила и прописи за заштита на животните, момент на непретпазливост може многу да го чини неговиот бизнис. Значи, освен патот, тој мора внимателно да го следи системот за надзор до контролниот пулт, кој ги покажува условите во резервоарите, како нивото на кислород, ph-вредноста и температурата. Тоа е тешка задача за која е потребно време да се совлада, но по 30 години превезување риба, Јарле е вистински експерт. За време на првите години работење во индустријата, тој превезувал риба низ цела Европа, до земји како Шпанија, Португалија, Грција, Шетландските острови и Шкотска. Ова му го овозможи искуството кое му беше потребно за да ја прошири компанијата за превоз, од бизнис „еден човек-еден камион“, во голем превозник на жива риба. Веќе многу години, неговиот бизнис е фокусиран на Норвешка и Шведска, а е етаблиран како еден од најдобрите во неговата област на работа. Но, иако сега тој има вкупно 10 камиони Volvo и има вработено неколку други возачи, Јарле сè уште е на патот вршејќи испораки. Денешните риби ќе се превезуваат дури до Рорвик во Тронделаг. За да стигне дотаму, тој мора да го фати траектот помеѓу Јондал и неговото мало родно село Торвикбигд, лоцирано до фјордот Хардангер, каде што живеел целиот негов живот. Додека се приближува до пристаништето, тој покажува преку фјордот кон куќата каде што пораснал, на само пет метри од кејот.

Возење на нагорнина

Јарле има камиони со тандем-оска со место за седум синџири за снег – суштински важно кога се вози по норвешките патишта во зима.


„Кога бев дете, со часови лежев на докот и рибарев. Татко ми исто така многу сака да рибари и речиси секој ден јадевме риба за вечера. Она што ме интересираше токму пред да започнам да возам камиони беше превоз на риба. Работењето со живи суштества дефинитивно ја прави мојата работа многу поинтересна“, рече Јарле, насмевнувајќи се.

Иако Торвикбуд е мало село, стана важен премин поради линијата на траектот до Јондал, од каде што има рути до источна и јужна Норвешка. Сообраќајот преку фјордот драстично се зголеми во изминатите неколку години, а денес импресивен број од 25.000-30.000 возила минуваат секој месец. Јарле се има возено со овој траект илјадници пати. 

„Возењето тука значи дека мора да се приспособите на патот и на природата. Мораме да го преминеме фјордот речиси секаде каде што одиме и се навикнуваме на тоа. Понекогаш, треба да се качам на седум траекти за само една испорака“, рече тој, додека се качуваше на траектот.

Полни раце риба

Jarle Tveiten Transport AS главно превезува млад лосос, пастрмка и риба-смоква до рибните фарми во Норвешка. Неговите пратки подлежат на строги правила за заштита на животните.

Возењето трае околу дваесетина минути. По симнувањето од траектот, неговата концентрација се зголемува додека продолжува да вози по магистралниот пат број седум – стар пат кој го поврзува градот Берген со Осло. Овој пат не е поправен со години и е преполн со лош асфалт и дупки. Патот станува многу опасен по дваесетина километри, како што планината станува пострмна на едната страна, а фјордот одеднаш е стотици метри под патот на другата страна. Заштитниот насип кој го одвојува патот од бездната е висок само половина метар, со што многу е лесно автомобил да се преврти и да падне во водата. 

„Ова е лоша делница на патот. Ако сте возеле долго колку мене, сте биле сведок колку навистина лошо може да биде. Сум поминал покрај смртоносни сообраќајни незгоди и сум видел мртви луѓе. Ве тера да се запрашате: дали возам на начин на кој можам го избегнам ова?“, рече Јарле и додаде:

„За среќа, мојот товар ме тера да возам дефанзивно. Исто така, по сите овие години, се навикнав на возење по лоши патишта. Но, сепак, кога седнувам во мојот камион и кога почнувам да ги користам овие патишта како мое работно место, посакувам да беа побезбедни.“

Услугите и одржувањето се многу важни на овие патишта. Ако камионите се расипат, ќе ми биде потребна помош многу брзо, инаку сум во голема неволја.

Јарле Твитен

Сопственик и возач на камиони, Jarle Tveiten Transport AS

Јарле Твитен лови риба

За Jarle Tveiten, обичниот работен ден ретко е пократок од 12 часа. „Тоа не е само работа, станува начин на живеење“, рече тој.

Иако патиштата се предизвикувачки и опасни, Јарле тврди дека технолошките подобрувања во камионите многу му ја олесниле работата сега, за разлика од периодот кога ја започнал својата работа со половен камион Volvo пред многу години. Денес, тој веќе не се грижи пред патување, бидејќи неговиот Volvo FH16 овозможува целосно ново доживување при возењето, кога се работи за безбедност и удобност. Тој исто така се осигурува да има Златен договор со Volvo Action Service, бидејќи тешките патишта побрзо ги истрошуваат камионите, во споредба со остатокот од Европа. 

„Услугите и одржувањето се многу важни на овие патишта. Ако камионите се расипат, ќе ми биде потребна помош многу брзо, инаку сум во голема неволја. Секогаш сум имал добри односи со луѓето кои работат во Volvo и заради тоа цело ова време сум му верен на Volvo“, рече тој, додека го запираше камионот за да почека патнички автомобил да се врати наназад и да му направи место да помине.

Volvo FH на Санфридсонс

Многу од патиштата на кои мора да патува Јарле Твитен може да бидат предизвикувачки и опасни, но технолошките подобрувања со текот на годините значат дека неговата работа сега е многу побезбедна и полесна отколку што беше кога првпат започна.


Наскоро ќе го помине најлошиот дел од неговата рута и ќе продолжи, прво на патот 50, а потоа на патот 52 за да стаса до Ота, од каде ќе продолжи кон неговата крајна дестинација, Рорвик во Тронделаг. Тој објасни дека денешното возење не е многу често, бидејќи поголемиот дел од неговите товари се сочинети од млада кафеава пастрмка и лосос што тој ги превезува до големите рибни фарми во Норвешка. Тој исто така превезува многу риби-смокви, видови риби кои јадат паразити, а фармите ги користат за да спречат болести кај другите риби.

Интересот на Јарле за рибите кои ги превезува се зголемил со текот на времето и постојано ги подобрува неговите камиони и резервоари во блиска соработка со неговите клиенти. Покрај превозот и водењето компанија, тој исто така се ангажира во различни проекти и бил вклучен во процесот на развивање на норвешкиот регулаторен систем за превоз на риба. Нормален работен ден ретко е пократок од дванаесет часа, а вообичаено е многу подолг. Тој признава дека поради тоа им недостасувал малку на неговата сопруга и трите деца, но тие се навикнале на тоа дека тој постојано работи многу часови.

„Сега имам 60 години. Морам да кажам, имаше многу долги денови и многу предизвици. Никогаш не би имал енергија за да го направам ова одново. Не е само работа, станува начин на живот. Но, уживав, до крај.”

Related News

Големата испорака

Во моментов, во Шведска се гради една од најголемите машини за хартија за пакување во светот. Австрискиот возач на камиони Роланд Лебрунер отиде на долго патување за да испорача два силоса долги 22 метри до градилиштето во Грумс....