Глобалната побарувачка за Волво камионите на гас се зголемува. VOLVO TRUCKS има продадено повеќе од 8.000 единици низ целиот свет. Продажбата се зголеми за 25% во 2024 година, а најголемите пазари се Шведска, Норвешка, Холандија, Шпанија и Велика Британија. Моторите на Волво на гас се достапни во моделите Volvo FM, FH и FH Aero и можат беспрекорно да се префрлаат помеѓу биогас (нефосилен гас произведен од органски отпад) и обичен LNG (течен природен гас).
Камионите на Волво на гасен погон можат да се управуваат до 1.000 километри, што ги прави погодни за транспортни задачи во долги релации и регионална дистрибуција, како и во градежниот сектор. Тие претставуваат одржлива алтернатива на другите возила со ниски емисии, бидејќи транспортните компании и корисниците на транспортни услуги бараат начини да го направат своето работење поодржливо.
„Многу од нашите клиенти одлучуваат да ги заменат своите дизел камиони со камиони на гас и на тој начин истовремено да постигнат едноставно намалување на емисиите на CO2“, вели Јан Хјелмгрен, раководител на одделот за управување со производи во Volvo Trucks. Тој додава: „Камионите на гас на Волво се вистинскиот избор за транспортните компании бидејќи комбинираат пониски трошоци за одржување со намален јаглероден отпечаток и одржана продуктивност.“
Веќе постојат неколку земји кои нудат широка мрежа на гасни пумпи со зголемен пристап до биогас. Глобалното производство на биогас се зголеми за 21% во текот на 2024 година*. Ова значи дека можноста за намалување на емисиите на CO2 до 100% станува достапна за значителен број корисници. На пазарите што имаат даночни олеснувања и владини субвенции за обновливи горива и ниски емисии на CO2, биогасот е поекономично решение во споредба со дизелот. Исто така, редовното LNG гориво го намалува CO2 до 20% („Од резервоарот до тркалото“) во споредба со дизел камионите.
Значителни заштеди на CO2 и оперативни трошоци, без компромис
Волво нуди исклучителна технологија на гасни мотори, базирана на својот најпродаван погонски склоп, дизел моторот D13, што значи дека нуди перформанси споредливи со кој било дизел камион, но со намалени емисии на CO2.
„Нашите гасни мотори доаѓаат со супериорна технологија која јасно ги надминува конкурентите во однос на моќноста, вртежниот момент, одзивот на моторот и економичноста. Возачите ни велат дека ја ценат моќноста, управувањето, нискиот шум и удобното возење во нашите камиони на гасни погон“, вели Јан Хјелмгрен. „Гледаме дека камионите на гасни погон имаат голем потенцијал на патот кон транспорт со нулта емисија.“
Заштеда на CO2 со камиони на гас - факти:
- Преминувањето од дизел на LNG (течен природен гас) овозможува намалување на CO₂ до 20% (од резервоар до тркало).
- Преминувањето од дизел на биогас/био-течен природен гас (БИЛНГ) овозможува намалување на CO₂ до 100% (од бунар до тркало).
- Био-ЛНГ се произведува од суровини како што се отпад од домаќинствата, земјоделски отпад и канализација.
- Био-ЛНГ е идентичен со обичниот ЛНГ во однос на перформансите, складирањето и полнењето.
Волво камиони на гас - факти:
- Волво нуди камиони на гасни погон во моделите Volvo FM, FH и FH Aero во конфигурации 4x2, 6x2 и 6x4 како влекачи и шасии, сертифицирани за носивост до 60 тони.
- Моторот Volvo G13 LNG е базиран на дизел моторот D13 Euro 6 и се испорачува во три нивоа на моќност: 420 КС / 2100 Nm, 460 КС / 2300 Nm и 500 КС / 2500 Nm.
- Најголемиот резервоар за гориво собира 225 кг гас, што овозможува автономија до 1.000 км.
- Гасни мотори на Volvo Trucks користат високо ефикасна HPDI (директно вбризгување со висок притисок) технологија од добавувачот Cespira: https://cespira.com
- Моторот на гас на Волво користи мала количина дизел како гориво за палење, а кога за палење се користи HVO (хидрогенизирано/хемиски третирано растително масло), емисиите на CO₂ можат да се намалат до 100% (од бунар до тркало) во споредба со камионите што користат дизел гориво.
- Биогасот е едно од горивата за моторите со внатрешно согорување, што е клучен дел од стратегијата на Volvo Trucks за постигнување нулти нето емисии до 2040 година.
- Тројната стратегија на Volvo Trucks за постигнување нулти нето емисии вклучува електричен погон на батерии, електрични горивни ќелии и мотори со внатрешно согорување што користат обновливи горива.
*Според извештајот на Европската асоцијација за биогас
LINK до фотографии
