Објавувањето на филмот е еден ден пред официјалното лансирање на палетата на тешки камиони со подобрени кабини во Европа, во која се вклучени моделите Volvo FH, Volvo FH16, Volvo FM и Volvo FMX. Четирите камиони претставуваат околу две третини од испораките на Volvo Trucks.
„Ова е досега најголемото лансирање на производи во Volvo Trucks. Овие камиони ќе значат огромна помош за профитабилноста на нашите клиенти и ќе им овозможат да водат конкурентни бизниси и да ги придобијат најдобрите возачи. Навикнат сум да сум на врвот на нештата, но снимањето на филм во којшто сум качен на врвот на кула од камиони е дефинитивно еден од најневообичаените денови што сум ги имал. Може да се рече дека имам одредена почит кон височините. Затоа не летам во облаците“, рече Роџер Алм, претседател на Volvo Trucks.
Филмот е снимен кон крајот на 2019 година на тест-полигон надвор од Гетеборг, родниот град на Volvo во Шведска. Сцените од снимањето на филмот ни откриваат дека кулата од камиони и поголемиот дел од визуелните ефекти се реални, вклучително и чадот и светлата.
„Беше потребно околу еден месец за да се осмисли и изгради кулата од камиони и за да се осигураме дека е безбедна за возење. Во суштина, ова беше возможно благодарение на Volvo FMX, цврстиот модел на камион наменет за градежништво, како и на неговата нова 38-тонска повеќеосна група, којашто ја понесе тежината на другите модели. За стабилната брзина и држењето насока помогна технологијата „Volvo динамичко управување“ и квалификуваниот возач на камиони“, рече Маркус Викстром, инженер во Volvo Trucks и дел од инженерскиот тим одговорен за кулата.
Кликнете овде за да видите како се снимаше филмот.
ВРСКА до слики со висока резолуција
За повеќе информации, посетете ја веб-страницата на Volvo Trucks и каналите на социјалните медиуми:
www.volvotrucks.mk
www.facebook.com/VolvoTrucks/
www.instagram.com/volvotrucks/
www.linkedin.com/company/volvo-trucks/
