Спецификации на шасијата за Volvo FMX

• Висини на шасијата
• Максимално оптоварување на предната оска
• Задно потпирање
• Руди
• Резервоари за гориво
• Резервоари за AdBlue

• Седла
• Volvo динамичко управување
• Кревање на тандем-оската
• Автоматска контрола на силата на влечење
• Tag-оски
• Pusher-оски
• Сопирачки

Руди
Руди за приколки со централна оска монтирани централно, половина оддолу и оддолу. Рудите може да се постават на интервали од 25 милиметри.
Резервоари за гориво
Резервоари од алуминиум или челик со зафатнина од 150 до 900 литри. Максималниот капацитет за гориво е 1.480 литри за 4×2 влечно возило.
За двојни предни оски EU6 пластичен резервоар за гориво помеѓу предните оски.
Резервоари за AdBlue
Пластични. Зафатнина од 32 до 100 литри. Пумпата AdBlue е интегрирана со модулот за резервоар AdBlue.
Седло
Сертифицираната инсталација дозволува оптоварување до 36 тони. Во опсегот е вклучено ISO седло со профили со L-форма на разни висини, со што се нуди значителна слобода на избор. Седлото монтирано со фланша е варијанта со мала тежина бидејќи не бара никаква плоча за прикачување. Висината на седлото над шасијата е околу 140 милиметри. Интегрираното подмачкување и индикаторот за приклученост на приколката се достапни како опција за одредени варијанти.
Сопирачки
EBS (Електронски контролиран систем за сопирање) обезбедува супериорна реакција, перформанси и чувство на сопирање, а во исто време овозможува пристап до голем број пригодни карактеристики. EBS сега е достапен за диск-сопирачките и за Z-брежестите барабан-сопирачки (за определен опсег на конфигурации на оски и висини на шасијата). Надградете го вашиот систем на сопирање со додавање на пакетот EBS Medium или која било дополнителна опција.
EBS е стандард според сите спецификации.

Volvo динамичко управување
Активен систем на управување со torque overlay (заобиколување на вртежниот момент). Тој обезбедува поголема сила за управување при мали брзини, ги намалува ударите од управувањето и го одржува управувачот право при сопирање на подлога со различна лизгавост. Управувачот автоматски се враќа во неутрална позиција кога возите напред и кога возите наназад.
Volvo динамичкото управување сега е достапно за сите комбинации на оските, освен оние со погонувана предна оска (4×4, 6×6, 8×6 и 10×6).
Дополнителни активни функции за управување, како лични поставки и водење во управувањето, кои се тука за да го направат возењето уште попријатно и побезбедно.
Кревање на тандем-оската
Овозможува исклучување и кревање на најзадната погонска оска од повеќеосната тандем-група за да се намали потрошувачката на гориво и радиусот на вртење. Со притисок на копче на контролниот пулт, возачот може да ја подигне оската кога камионот не е натоварен. Кога камионот е натоварен, оската автоматски се спушта и се вклучува.
Кревање на тандем-оска е достапно за конфигурациите со воздушна суспензија 6×4 и 8×4 (со повеќеосна тандем-група) опремени со диск-сопирачки.
Автоматска контрола на силата на влечење (ATC)
Автоматски ја вклучува погонуваната предна оска кога е потребно и ја исклучува кога теренот го дозволува тоа, штедејќи гориво и подобрувајќи ја способноста за маневрирање. ATC е стандард за сите конфигурации на Volvo FMX со погонувана предна оска (4×4, 6×6, 8×6 и 10×6).
Tag-оски
Достапно во неколку конфигурации – фиксни со единечни или со двојни тркала, самонасочувачки или активно управувани. Оптоварување на оските: 7,5, 9,5, 10 или 16 тони. 
Pusher-оски
Достапни во фиксирани и активно управувани варијанти за влекачи и соло-камиони. Оптоварување на оските: 4,5, 7,5 или 9 тони.

EBS medium

Освен одликите од пакетот EBS Standard, EBS Medium ги нуди и следниве одлики:

EBS контрола на статусот 
Следење на статусот на EBS преку електронскиот систем на возилото TEA2+ и алатката Volvo Tech.
Помош за тргнување на нагорнина
Сопирачките се ослободуваат само кога има доволно голем вртежен момент на моторот да го придвижи возилото нанапред.
Анализа на истрошеноста на облогите
Предупредување за облогите на сопирачките – ја пресметува преостанатата километража што може да се помине со тековните облоги на сопирачките. (Само за диск сопирачки.)
Автоматско ослободување на паркирната сопирачка
Паркирната сопирачка се ослободува кога е избран степен на пренос и возачот ќе ја притисне педалата за гас (само за менувачите I-Shift).

Дополнителни опции

Како дополнување на програмските пакети постојат и следниве опции:
Сопирачка за развлекување (Stretch Brake)
Овозможува возачот да побара импулсно сопирање на приколката. Потоа сопирачката автоматски се активира и ризикот од превиткување се минимизира.
ESC (Електронска контрола на стабилноста)
Системот за стабилност на сопирањето индивидуално ги активира сопирачките на секое тркало, со што обезбедува стабилност за целата комбинација на возила и противдејство на превиткувањето, превртувањето и нишањето на приколката. ESC е сообразен со законите за електрична контрола на стабилноста на возила и достапен е за возила со 2, 3, 4 и 5 оски.
Сијаличка за алармните сопирачки
Кога се случува сопирање во при брзина над 50 км/ч, сијаличките на сопирачките трепкаат четири пати во секунда. 
Хидрауличен забавувач
Компактен забавувач со менувач со максимален ефект од 440 kW.