Камиони

Македонија

×
Шасија на Volvo FL

Направен за во град

Шасија на Volvo FL

Опслужувате урбано градилиште? Вршите дистрибуција за градски ресторани? Ракувате со смет? Бескрајно флексибилната шасија на Volvo FL е дизајнирана да го исполни секој предизвик. А со погон на четири тркала, Volvo FL 4×4 е стабилен на секаков пат – и во секакви услови.

Брз и флексибилен

Шасијата на Volvo FL може да се нарача со стандардна основа или да се специфицира за какви било барања и надградба. Робустен и крут, рамниот, правоаголен дизајн го поедноставува составувањето на каросеријата. Рамката може да биде опремена со држачи за составувачите на каросеријата. А инструкциите од Volvo за составувачите на каросеријата (VBI) го забрзуваат процесот. Така што добивате камион кој е совршено скроен за вашиот бизнис на најбрзиот и најевтиниот можен начин.

Инструкции од Volvo за составувачите на каросерија

Шасијата на Volvo FL е како измислена за составување каросерија
Опсег од предни оски за кои не е потребно одржување

Флексибилна шасија

Полесно составување каросерија

За дополнително да му се олесни работата на составувачот на каросеријата, шасијата може да се опреми со асортиман на држачи за составување каросерија во рамката. Комбинациите може натаму да се специфицираат за да одговараат на дополнителните барања.

Предни оски, за кои не е потребно одржување

Во зависност од барањата за оптоварување, достапен е опсег предни оски за кои не е потребно одржување. Капацитетот на оптоварување се движи од 4,0 до 7,1 тони. Погонуваната предна оска на Volvo FL со погон на четири тркала има капацитет на оптоварување од 5,6 тони.

Оски за носење на товарот

На располагање се три различни задни оски во разни комбинации. Капацитетот на носивост се движи од 8,5 до 11,5 тони.

Брзо, лесно товарење

Системот на електронската контрола (ECS) може да се користи за да се контролира нивелирањето на воздушното потпирање, преку прекинувачите на контролниот пулт или преку контролната кутија. Тоа значи брзо, ефикасно товарење при која било висина.

Пригодна заштита

Зајакнатиот страничен систем за заштита од навлегување под камион (SUP) што се склопува доаѓа како фабричка опција. Дизајниран од Volvo, ја комбинира безбедната заштита со лесното сервисирање.

Подготвен за транспорт на разладена стока

Добијте го вашиот Volvo FL за транспорт на разладена стока што побрзо. Можеме да го подготвиме за Frigoblock инсталација уште во фабриката.

Одберете го вашето потпирање

Во зависност од оптоварувањето на оската, изберете воздушно потпирање, листесто потпирање или комбинација од двете.

Одберете ги вашите тркала

Ако изберете мотор D5K ќе ви требаат бандажи од 17,5 или 19,5”. За потешки камиони со мотори со 6 цилиндри, изберете 19,5 или 22,5”.

Резервоари за гориво

Во зависност од вашите спецификации за камион и посебни барања, можете да бирате меѓу пластични, челични или алуминиумски резервоари за гориво со капацитети од 80 до 430 литри.

Висина на рамката

Во зависност од моделот, на располагање се две секции на рамката со висини од 220 mm и 244 mm и со дебелина од 5, 6, 7 или 8 mm.

Електронски систем за сопирање (EBS)

Volvo FL користи пневматски сопирачки со вентилирани дискови напред и назад. Неговиот електронски контролиран систем за сопирање (EBS) обезбедува побрза и побезбедна реакција на сопирање и помага да се намали абењето на сопирачките. Системот вклучува ABS и систем за комбинирање на сопирачките којшто ги користи различните сопирачки на камионот за да постигне порамномерно сопирање и да го намали абењето на пневматиците и сопирачките. Проширениот EBS пакет ја вклучува и одликата Hill Hold.

Фабрички подготвен како чистач на патишта

Камион-метачка Volvo FL

Шасијата на Volvo FL може фабрички да се подготви за намената на метење на улиците. За таа цел, се поместуваат резервоарите за воздух, гориво и AdBlue, кутијата за акумулатори и системот за издувни гасови, за да се направи место за опремата што се монтира на рамката. Пакетот ги вклучува сите делови од спецификацијата на камионот и прави тој да е совршено приспособен за својата намена. Достапни се две верзии, 12-тонска и 16-тонска верзија.

Започнете со составување

Посетете го локалниот дилер на Volvo Trucks за да разговарате за опции за основата и да го специфицирате вашиот совршен Volvo FL или Volvo FL 4×4.