Ваша кабина, ваше царство

Внатрешност на кабината на Volvo FH16

Вие сте одговорни и сè уште сте тој што ја извршува работата. Но, сега имате поголема контрола над сè во вашиот Volvo FH16 од кога било досега.

Чувството на еволуција е евидентно веднаш штом ќе влезете во кабината на Volvo FH16. Различно од она на кое сте навикнале – сепак многу познато. Боите, материјалите и опремата се непогрешливо препознатливи за Volvo FH16. Кога сте седнати, ќе забележите дека сè се наоѓа таму каде што очекувате да е. Рачката на менувачот I-Shift, уредно вградена во седиштето, природно ви доаѓа под рака.

Но, целиот интерфејс на возачот е нов – дизајниран да ви овозможи да ги држите рацете на воланот и очите на патот. Добивате целосна контрола врз сè што ви е потребно за правилно да ја завршите работата и да ја одржите заработката на вашиот бизнис токму како што сте планирале.

Таблата за инструменти е целосно дигитална и отвора нови можности за прилагодување на вашата работна околина според вашите потреби во секоја ситуација. Контролата на силата на влечење ви овозможува подобро влеча со вртење на копчето во насока на стрелките на часовникот на инструмент таблата, при што добивате целосна контрола врз различните диференцијали и оптоварувањето на сите ваши оски. Новиот девет-инчен страничен дисплеј ви овозможува контрола над функциите на камионот, вклучително и осумте камери и апликациите.

Огромна помош имате и преку гласовна контрола во кабината на Volvo FH16.

Уникатните внатрешни површини на Volvo FH16 нудат високо ниво на квалитет. Јасно е дека камионот нуди врвна комфорност.

I-Shift

Со I-Shift, секоја промена на брзина е точно темпирана, а најновата генерација нуди побрзи и понепречени промени од кога било. Рачката на менувачот е вградена во седиштето и има ергономски дизајн кој е и лесен за употреба и не ви пречи кога не возите. Ако сакате, можете функцијата I-Shift да ја контролирате со копчињата на контролната табла наместо со рачката.

Повеќе за I-Shift

Дигитален динамичен панел со инструменти

Главната особина на возачкиот интерфејс е целосно дигиталниот дисплеј за инструменти, кој може да се прилагоди на вашите желби, потреби и задачи за транспорт.

Повеќе за дисплејот за инструменти

Вклучете ја влечата

Кога ви треба поголема сила за влечење – едноставно вклучете ја интуитивната контрола во контролниот панел за влеча во насока на стрелките на часовникот, за да ги вклучите функциите на диференцијалното заклучување на логичен и лесен начин.