Еволуција за тешки задачи

Надворешност на кабината на Volvo FH16

Карактеристичниот Volvo FH16 каков што го знаете – моќта и удобноста во совршена рамнотежа. Сепак, јасно е дека овој камион е следниот чекор во еволуцијата.

Обликот на кабината на Volvo FH16 е позаоблен околу рабовите, а празнините помеѓу горниот и долниот дел се помали за подобра аеродинамика и ефикасност. Уникатната решетка на Volvo FH16 има сребрена финиш, навестувајќи ја новата понуда.

Но, најјасниот знак на еволуцијата е дизајнот на фаровите, кои му го даваат на Volvo FH16 својот исконски изглед. Карактеристичните линии на фарот ја следат формата на кабината, продолжуваат околу предниот агол и се протегаат назад кон страните на кабината. Фаровите ја имаат црната тематика на Volvo FH16. Кога е во мирување, очигледно е дека овој камион е меѓу најмоќните во светот – а сепак, тој е попрефинет од кога и да било.

Новите фарови доаѓаат во три различни верзии и не само што изгледаат добро – тие исто така се опремени со подобри функции, кои го прават животот на патот побезбеден и поудобен.

Исто така, ќе забележите дека знакчето од предната страна е поголемо, а кога ќе се приближите до вратата, ќе забележите дека влезните скалила имаат алуминиумски навлаки. Детали што прават разлика.

Фарови

Впечатливите фарови се достапни во три различни верзии: една заснована врз халогена технологија и две засновани врз LED технологија. Сите модели ги имаат карактеристичните дневни LED-светла во форма на V. Халогената единица е наменета за подобро осветлување. Двете други верзии се целосно засновани врз LED технологија и нудат подобро осветлување и прегледност. Најнапредната верзија нуди LED светла со адаптивни долги светла што ја максимизира прегледност дури и кога доаѓаат возила спроти вас.

Повеќе за адаптивните долги светла

За потешки задачи

Дали вашите операции бараат нешто поцврсто? Нарачајте го вашиот Volvo FH16 со основниот и цврст преден дел. Доаѓа со засилен браник – совршен за тешка употреба.

Прочитајте повеќе за браникот за тешки услови

Безбеден избор

Volvo FH16 ве прави максимално безбедни колку што можете да бидете на тркала. Нашите камиони воопшто – а особено нашите кабини – се подложени на детално тестирање. Шведскиот тест за цврстината на кабината, тестот за бариера, тестот за превртување, тестот за удар на главата и тестот за лизгање, се изведуваат додека целата внатрешна опрема е вградена и со исполнет простор за складирање. За да се осиуриме дека ќе бидете добро заштитени во вистинскиот живот.

Дознајте повеќе за Volvo Trucks и безбедноста

Тој препознатлив изглед на Volvo FH16

Изберете помеѓу три различни нивоа на декорација и стотици бои.

Основна декорација

Доаѓа со црна решетка и темносив браник, ретровизори и други детали.

Основен модел со цврст преден дел

Доаѓа со темносив засилен браник, црна решетка, темносиви ретровизори и др. Предни фарови со црна тематика.

Декорација на Volvo FH16

Доаѓа со уникатна решетка за Volvo FH16 со сребрена боја и фарови со црна тематика. Браниците, огледалата, итн., сите се обоени во бојата на каросеријата. Алуминиумски детали на праговите.

Контактирајте го вашиот продавач за да го прилагоди вашиот Volvo FH16

Изберете од над 650 бои. Сите „зелени“.

Заштедете време и пари со тоа што не ќе морате дополнително да одите во посебна бојаџилница – едноставно добијте ја Volvo кабината во бојата што ја сакате. Изберете од над 650 различни нијанси, тонови и сенки. А доколку не може да ја најдете бојата што ја сакате, можеме да ви ја измешаме речиси секоја боја.

Сакате да погледате? Употребете го обојувачот за кабина подолу.

Имајте предвид дека мониторот на компјутерот не може потполно верно да ги покажува боите. Посетете го вашиот Volvo дилер за да ги видите примероците на вистинските бои. Исто така, имајте предвид дека не се достапни сите бои за сите модели и пазари. Сликата прикажува камион со највисоко можно ниво на боење.

Овој обојувач ги содржи сите бои што се достапни во продажниот систем. Многу од еднобојните бои се достапни и со слој проѕирна облога. Доколку не може да ја најдете бојата што ја барате, обратете се кај дилерот на Volvo.